Монгол Улсад 2026 оны наймдугаар сард болсон COP17 хурлын үеэр орон сууцны дулаалга, эрчим хүчний хэмнэлт, байгальд ээлтэй үйлдвэрлэл болон жижиг, дунд бизнесийг дэмжих 500 гаруй тэрбум төгрөгийн санхүүжилтийн төсөл, гэрээг танилцуулсан.
Тодруулбал, Наймдугаар сарын 20-нд 180 орчим тэрбум төгрөгийн санхүүжилттэй Монголын ногоон санхүүгийн корпорац албан ёсоор нээлтээ хийсэн. Тус байгууллага банкуудаар дамжуулан иргэдийн орон сууцны дулаалга, эрчим хүчний хэмнэлттэй барилга, байгальд ээлтэй бизнесийг дэмжих юм. Энэ төслийн санхүүжилтийг анх 2020 онд баталсан байна.
Мөн Францын хөгжлийн санхүүгийн байгууллага Proparco Наймдугаар сарын 25-нд ХААН Банктай 180 тэрбум төгрөгийн зээлийн гэрээ байгуулсан. Үүний 60 хувийг байгальд ээлтэй төслүүдэд, 40 хувийг орон нутгийн жижиг, дунд бизнесүүдэд зориулахаар болсон.
Түүнчлэн тус байгууллага Наймдугаар сарын 26-нд ХасБанктай 144 тэрбум төгрөгийн зээлийн гэрээ байгуулж, энэхүү хөрөнгийн 30 хувийг ногоон төслүүдэд, 40 хувийг эмэгтэй бизнес эрхлэгчдэд, үлдсэн 30 хувийг жижиг, дунд бизнесийг дэмжихэд зарцуулахаар тохиролцсон байна.
Ийнхүү нийт 500 гаруй тэрбум төгрөгийн санхүүжилтийн төсөл, гэрээ хэлцэл COP17 хурлын үр дүнд танилцуулагдсан бөгөөд одоогоор зээл олгох хугацаа, нөхцөлийг холбогдох банкууд хараахан баттай зарлаагүй байна.
Эх сурвалж: Монгол Улсын Засгийн газар, Уур амьсгалын ногоон сан (GCF), Proparco, ХААН Банк, ХасБанк.

