АНУ-ын арми есдүгээр сарын 1-нд Ираны Исламын хувьсгалын гвардийн корпусын байршлууд болон бусад цэргийн объектод цохилт өгсөн байна. Үүний хариуд Иран АНУ-ын цэргийн бааз, объектууд байрладаг Ирак, Бахрейн, Йордан зэрэг улс дахь байршлуудад пуужин харвасан талаар Reuters мэдээлжээ.

АНУ-ын тал цохилтоо Ираны зүгээс усан тээвэрт халдсан болон бүс нутаг дахь Америкийн ашиг сонирхолд заналхийлсэн үйлдлийн хариу гэж тайлбарласан бол Тегеран Вашингтоны үйлдлийг түрэмгийлэл хэмээн буруутгаж байна. АНУ-ын Ерөнхийлөгч Дональд Трамп есдүгээр сарын 2-нд хийсэн мэдэгдэлдээ Ираны эсрэг шинэ цэргийн ажиллагаа удаан үргэлжлэхгүй гэж хэлсэн ч Тегеран хариу цохилт өгвөл дахин хүчтэй арга хэмжээ авахыг анхааруулжээ.

Мөргөлдөөн дахин идэвхжсэнээр бүс нутгийн газрын тосны нийлүүлэлтэд эрсдэл үүсэж, дэлхийн зах зээлд газрын тосны үнэ огцом өсөхөд хүрсэн байна. Есдүгээр сарын 1-нд газрын тосны үнэ баррель тутамд дөрвөн ам.доллараас илүү өсөж, сүүлийн таван долоо хоногийн хамгийн өндөр түвшинд хүрчээ.

Ийнхүү АНУ, Ираны хоорондох мөргөлдөөн зөвхөн хоёр улсын харилцааны асуудал биш болж, Персийн булан болон олон улсын эрчим хүчний зах зээлд үзүүлэх нөлөө нь улам нэмэгдэж байна.

Эх сурвалж: Reuters