Тодруулбал, Маримонтын музейн куратор Ляүсэ Янковский академич С.Чулууныг хүлээн авч уулзсан байна. Энэ үеэр музейн сан хөмрөгт хадгалагдаж буй Азийн соёлын өв, Буддын урлагийн ховор олдворуудыг судалгаанд хамруулах, цаашид хамтарсан үзэсгэлэн зохион байгуулах асуудлыг хэлэлцжээ.

Маримонтын музейд Төв Ази, Монголын нүүдэлчдийн соёл, Хүннү болон Монголын эзэнт гүрний үеийн холбогдолтой эд өлгийн зүйлс, эртний гар урлалын бүтээлүүд хадгалагддаг байна. Тус музей нь Азийн урлаг, тэр дундаа Алс Дорнод болон Төв Азийн ховор олдвор, гар бичмэл, сурвалж бичгүүдийг хадгалж, хамгаалдаг Европын музейнүүдийн нэг юм.

Музей хоорондын хамтын ажиллагаа өргөжвөл Монголын түүх, соёлын өвийг олон улсын судалгаанд хамруулах, гадаадын музейн сан хөмрөгт хадгалагдаж буй бүтээлүүдийг олон нийтэд таниулах боломж нэмэгдэх юм.