1941 онд төрсөн Линн Хершман Лисон нь видео, интернет, хиймэл оюун ухаан зэрэг шинэ технологийг урлагийн бүтээлдээ ашиглаж ирсэн уран бүтээлч юм. Түүний бүтээлүүдээр дамжуулан нийгмийн харилцаа, цахим сүлжээ, технологийн хөгжил хүний өөрийгөө таних ойлголтод хэрхэн нөлөөлж байгааг харуулах аж.

Үзэсгэлэн зургаан хэсгээс бүрдэх бөгөөд уран бүтээлчийн 1960-аад оноос өнөөг хүртэлх уран бүтээлийн замналыг хамарна. Тухайлбал, 1970-аад онд бүтээсэн Роберта Брейтмор хэмээх зохиомол дүрээрээ дамжуулан эмэгтэй хүн нийгэмд өөрийн дүр төрх, харилцааг хэрхэн бий болгодгийг судалж байжээ.

Мөн үзэгч өөрөө удирдлага ашиглан үйл явдлын өрнөлийг сонгодог “Lorna” зэрэг интерактив бүтээлийг дэлгэнэ. Тус бүтээлүүдэд анх удаа солонгос хэлний орчуулга, хадмал тайлбар оруулснаар үзэгчид бүтээлийн агуулгыг илүү ойлгомжтой хүлээн авах боломж бүрдүүлэх юм.

Үзэсгэлэн Сөүлийн Урлагийн музейн Сосомун салбарт 2027 оны Хоёрдугаар сарын 21 хүртэл үргэлжилнэ. Үзэсгэлэн үнэ төлбөргүй бөгөөд уран бүтээлчийн кинонуудыг толилуулах тусгай хөтөлбөрийг мөн зохион байгуулахаар төлөвлөжээ.

 

Эх сурвалж: Yonhap News Agency, Сөүлийн Урлагийн музей.