Хоёр компанийн удирдлагууд уулзаж, нүүрсний салбар дахь хамтын ажиллагааг өргөжүүлэх, экспортын боломжийг нэмэгдүүлэх асуудлаар санал солилцож, хамтын ажиллагааны санамж бичиг байгуулсан байна. Санамж бичгийн хүрээнд нүүрсний гүн боловсруулалт, нүүрс-химийн үйлдвэрлэлийг хөгжүүлэхээс гадна уул уурхай, инженерчлэлийн чиглэлээр мэргэжлийн боловсон хүчин бэлтгэх, орон нутгийн хөгжлийг дэмжихээр тохиролцжээ.

Монгол Улс нүүрсээ голчлон түүхий эд хэлбэрээр экспортолдог бөгөөд гүн боловсруулалтыг хөгжүүлснээр экспортын бүтээгдэхүүний нэр төрлийг нэмэгдүүлэх, нүүрсний салбараас олох эдийн засгийн үр өгөөжийг өсгөх боломжтой.