С.Зориг агсан 1990 оны ардчилсан хөдөлгөөний үеэс улс төрийн үйл хэрэгт идэвхтэй оролцож, ардчилсан өөрчлөлтийн төлөө тэмцэж явсан зүтгэлтнүүдийн нэг юм. Тэрээр УИХ-ын гишүүнээр ажиллаж, 1998 онд Дэд бүтцийн сайдын үүрэг гүйцэтгэгчээр ажиллаж байх үедээ амь насаа алдсан билээ. Түүний амь насаа алдсан хэрэгт холбогдох мөрдөн шалгах, шүүхийн ажиллагаа олон жил үргэлжилсэн бөгөөд уг хэрэгтэй холбоотойгоор хэд хэдэн хүн ял шийтгүүлж, улмаар шүүхийн шийдвэрүүдэд өөрчлөлт орсон. Харин хэргийн захиалагч, зохион байгуулагчийг тогтоох асуудал өнөөдөр ч улс төр, олон нийтийн хүрээнд яригдсаар байна.

Иймээс С.Зориг агсныг дурсаж, хөшөөнд нь цэцэг өргөсөн энэ өдөр ИЗНН-ын үүсгэн байгуулагчид түүний амь насаа алдсан хэргийг бүрэн илрүүлж, үнэн мөнийг тогтоох шаардлага тавьж байна. Тус намынхан өмнө нь ч уг хэргийг парламентын түвшинд анхаарч, ажлын хэсэг байгуулах шаардлага гаргаж байсан юм. 

С.Зориг агсны дурсгалыг хүндэтгэх энэ өдөр түүний хэлсэн “Монгол хүний саруул ухаанд итгэдэг” гэх үгийг журмын нөхөд нь дурсан санаж байна.