2026-2027 оны халаалтын улирал эхэлж байгаатай холбоотойгоор нийслэлийн гэр хорооллын айл өрхүүдэд зориулсан сайжруулсан шахмал түлшийг өнөөдрөөс буюу Есдүгээр сарын 15-наас худалдаалж эхэллээ.

Нийслэлийн долоон дүүргийн хэмжээнд шахмал түлш худалдаалах 500 цэг ажиллуулахаар төлөвлөсөн бөгөөд үүнээс 446 нь байнгын, 54 нь нөөц цэг байхаар зохион байгуулжээ. Түлш борлуулах цэг ажиллуулах хүсэлтийг нийт 734 иргэн гаргаснаас 446 иргэнтэй гурвалсан гэрээ байгуулж, худалдаа эхлүүлэхэд бэлэн болсон байна.

Мөн халаалтын улиралд агаарын бохирдлыг бууруулах хүрээнд 280 мянган тонн хагас коксон түлш худалдан авч, 80 мянган тонн түлш нөөцлөхөөр төлөвлөсөн талаар Нийслэлийн Засаг даргын Агаарын бохирдол, ногоон хөгжлийн төсөл хөтөлбөрийн зохицуулагч, НИТХ-ын төлөөлөгч А.Амартүвшин 2026 оны Наймдугаар сарын 10-нд НИТХ-ын ээлжит хуралдаанд 2026–2027 оны халаалтын улирлын агаарын бохирдлыг бууруулах арга хэмжээний талаар танилцуулсан.

Ингэснээр нийслэлийн гэр хорооллын айл өрхүүд халаалтын улирлын хэрэгцээнд зориулан шахмал түлшийг тогтоосон борлуулалтын цэгүүдээс худалдан авах боломжтой болж байна.