Өнгөрсөн өдрүүдэд болсон үйл явдлуудыг харахад Л.Оюун-Эрдэнийн Засгийн газрын хамгийн том “Түгжил” нь өөрөө байсан нь хэн бүхэнд ил баримтуудаар батлагдаж байна. Тухайлбал, Ерөнхий сайд Л.Оюун-Эрдэнэ Ураны гэрээг Н.Учралд даалгаад, Женкотой нийлж араас нь "Хутгалжээ" гэхэд хилсдэхгүй ээ.

Энэ нь Ураныг эсэргүүцсэн тэмцэгчид Л.Оюун-Эрдэнийг аврах жагсаал хийснээр нотлогдож буй юм. Жагсаалын гол дүрүүдэд Үнэн ба Зөв намын А.Отгонбаатар, Босоо хөх Монголын нэр бүхий хүмүүсийн баримтаар батлагдаж байна. 

Ер нь Л.Оюун-Эрдэнийн Хамтарсан Засгийн газар 14 мега төслийг явуулахаар байгуулагдсан гэх атлаа анхны бодитой хөдөлсөн төслөө Ерөнхий сайд нь өөрөө Женко Х.Баттулгатай нийлж жагсагчидтай үгүйсгэсэн нь цүнхнээс ч илүү хортой ёс зүйн асуудал юм. Үүнийг Л.Оюун-Эрдэнийг огцруулах УИХ-ын чуулганаар Г.Дамдинням гишүүн нотолсон. Өөрийнхөө Засгийн газрын мега төсөл, ХЭГ-ын даргадаа даалгасан ажлаа хувийн компани, дэмжигчдээрээ ар нуруунаас нь чулуу шидүүлсэн нь Монголын улс төрд огт үлдэж болохгүй гажуудал юм. Зүйрлэвэл, Н.Энхбаяр Мянганы зам, С.Баяр Атрын 4-р аян, Н.Алтанхуяг Гудамж төслөө, хариуцсан сайдынх нь хувийн ажил мэт харлуулж, өөрийнхөө Засгийн газрын зорилтыг үгүйсгэж байсан өөр түүх үгүй билээ.